ធនាគារ ជីប ម៉ុង ដែលជាធនាគារពាណិជ្ជបែបឌីជីថលឈានមុខគេមួយនៅកម្ពុជា និងសិល្បៈការនីដ៏ល្បីល្បាញ អ្នកនាង ឱក សុគន្ធកញ្ញា បានចុះហត្ថលេខាលើកិច្ចព្រមព្រៀងទូតសុច្ឆន្ទៈជាផ្លូវការ នៅសណ្ឋាគារហៃយ៉ាត់ រីជិនស៊ី នាថ្ងៃទី២ ខែឧសភា ឆ្នាំ២០២២។&nbsp;
អគ្គនាយកនៃធនាគារ ជីប ម៉ុង លោក ចន ប៊ែល បានលើកឡើងថា ធនាគារ ជីប ម៉ុង ពិតជាមានក្តីរំភើបរីករាយដែលបានចុះកិច្ចព្រមព្រៀងទូតសុច្ឆន្ទៈជាមួយអ្នកនាង ឱក សុគន្ធកញ្ញា ដែលជាសិល្បៈការនីដ៏ឆ្នើមនៅកម្ពុជា។ តំណែងទូតសុច្ឆន្ទៈនេះ គឺស័ក្តិសមបំផុតដោយសារអ្នកនាង គឺជាអ្នកដែលមានទស្សនវិស័យវែងឆ្ងាយចំពោះជម្រើសដៃគូហិរញ្ញវត្ថុ ដែលមានទំនុកចិត្តសម្រាប់ការរស់នៅបែបសម័យថ្មី ដែលស្របនឹងចក្ខុវិស័យរបស់ធនាគារ ជីប ម៉ុង ក្នុងការផ្ដល់ជូនដំណោះស្រាយហិរញ្ញវត្ថុដ៏សម្បូរបែប និងមានភាពច្នៃប្រឌិតតាមរយៈបច្ចេកវិទ្យាទំនើប។
ចំណែកអ្នកនាង ឱក សុគន្ធកញ្ញា បានបង្ហាញអារម្មណ៍រំភើបក្នុងការក្លាយជាទូតសុច្ឆន្ទៈរបស់ធនាគារ ជីប ម៉ុង ដែលជាធនាគារមួយមានចក្ខុវិស័យវែងឆ្ងាយ ផ្ដោតជាសំខាន់លើសេវាកម្ម និងផលិតផលទំនើប និងជឿនលឿន ដើម្បីបំពេញតម្រូវការអតិថិជន។ អ្នកនាងរីករាយក្នុងការចែករំលែក និងណែនាំបទពិសោធន៍ក្នុងនាមជាអតិថិជនផ្ទាល់របស់ធនាគារ ជីប ម៉ុង និងផ្សព្វផ្សាយឲ្យកាន់តែទូលំទូលាយពីផលិតផល និងសេវាកម្មថ្មីៗជូនដល់អតិថិជន និងប្រជាពលរដ្ឋ។ ស្របនឹងការចុះហត្ថលេខា អ្នកនាងនឹងត្រៀមបង្ហាញខ្លួននៅក្នុងស្ប៉តពាណិជ្ជកម្មរបស់ធនាគារឆាប់ៗនេះ ដើម្បីបង្ហាញពីសក្ដានុពលដ៏សម្បូរបែបរបស់ធនាគារ ជីប ម៉ុង។
គួររំឭកថា ធនាគារ ជីប ម៉ុង បានបើកដំណើរការតាំងពីឆ្នាំ២០១៩ និងជាពាណិជ្ជកម្មមួយក្នុងចំណោមពាណិជ្ជកម្មទាំង១៣របស់ក្រុមហ៊ុន ជីប ម៉ុង។ បច្ចុប្បន្ននេះ ធនាគារ ជីប ម៉ុង មានសាខាប្រតិបត្តិការសរុបចំនួន១៣ និងភា្នក់ងារធនាគារជិត១៥០ទីតាំង។ ធនាគារមានផែនការពង្រីកសាខា និងភ្នាក់ងារធនាគារបន្ថែមទៀត ដើម្បីបង្កើននូវសក្តានុពលនូវក្នុងការផ្ដល់ជូននូវផលិតផល និងសេវាកម្មធនាគារយ៉ាងសម្បូរបែបជូនដល់អតិថិជនក្នុងស្រុក ជាពិសេសដើម្បីអភិវឌ្ឍដៃគូអាជីវកម្មឱ្យកាន់តែរីកចម្រើន និងប្រកបដោយទំនុកចិត្ត។
លោកអ្នកអាចឆែកមើលរូបភាពបន្ថែមនៅទីនេះ៖ https://www.facebook.com/chipmongbank/posts/1158855114655213

khmer

Mobile

ធនាគារ ជីប ម៉ុង ស្វាគមន៍អ្នកនាង ឱក សុគន្ធកញ្ញា ជាទូតសុច្ឆន្ទៈ

បើកឆាកខែដំបូងក្នុងឆ្នាំ២០២២ ធនាគារ ជីប ម៉ុង ទើបតែបានបន្ថែមដើមទុនចំនួន១០លានដុល្លារអាមេរិក ដែលធ្វើឱ្យដើមទុនចុះបញ្ជីនៅធនាគារជាតិ នៃកម្ពុជា កើនឡើងរហូតដល់ ១១៥លានដុល្លារអាមេរិក ក្នុងប្រតិបត្តិការរយៈពេល៣ឆ្នាំរបស់ខ្លួន។ ការបន្ថែមដើមទុននេះ គឺដើម្បីឆ្លើយតបនឹងតម្រូវការក៏ដូចជាទំនុកចិត្តរបស់អតិថិជន ដើម្បីបន្តពង្រីកប្រតិបត្តិការធនាគារបន្ថែមទៀត និងគោរព១០០ភាគរយតាមបទដ្ឋានគតិយុត្តិរបស់ធនាគារជាតិនៃកម្ពុជា។&nbsp;
លោក ចន ប៊ែន អគ្គនាយកធនាគារ ជីប ម៉ុង បានបញ្ជាក់ថា៖ «កាលពីខែសីហា ឆ្នាំ២០២១កន្លងទៅនេះ យើងបានបន្ថែមដើមទុនចុះបញ្ជីចំនួន៣០លានដុល្លារអាមេរិក ធ្វើអោយដើមទុនសរុបធនាគារមានចំនួន១០៥លានដុល្លារអាមេរិក។ ឥឡូវនេះ យើងបន្តបន្ថែមដើមទុន១០លានដុល្លារអាមេរិកទៀត សរុបដើមទុនមានចំនួន១១៥លានដុល្លារអាមេរិក។ បើទោះបីជាយើងស្ថិតក្នុងវិស័យ ធនាគាររយៈពេលខ្លីក៏ពិតមែន ប៉ុន្តែធនាគារយើង មានភាពចាស់ទុំ និងរឹងមាំក្នុងការបម្រើអតិថិជន ទាំងដៃគូពាណិជ្ជកម្ម ទាំងអាជីវកម្មខ្នាតតូចនិងមធ្យម និងរូបវន្តបុគ្គល។ ធនាគារយើងមានចក្ខុវិស័យវែងឆ្ងាយ និងច្បាស់លាស់ ក្នុងការកា្លយខ្លួនជាធនាគារពាណិជ្ជឈានមុខគេមួយនៅកម្ពុជា តាមរយៈផលិតផល និងការបម្រើសេវាកម្មល្អឥតខ្ចោះជូនអតិថិជន»។
លោកបានបន្តថា ថ្នាក់ដឹកនាំ និងសហការីរបស់ធនាគារ ជីប ម៉ុង តែងតែរិះរកផលិតផលនិងសេវាកម្មហិរញ្ញវត្ថុថ្មីៗ ដែលផ្តល់អត្ថប្រយោជន៏ច្រើនជូនអតិថិជន ដើម្បីធ្វើឱ្យអតិថិជនកាន់តែពេញចិត្តជាមួយធនាគារយើងខ្ញុំ។ ជាក់ស្តែងក្នុងកម្មវិធីប្រាក់បញ្ញើមានកាលកំណត់VIP ដែលយើងផ្តល់អត្ថប្រយោជន៏បន្ថែមជាច្រើនជូនអតិថិជនដូចជា៖ ការវាយកូនគោល ការជិះឧទ្ធម្ភាគចក្រ ការស្នាក់នៅសណ្ឋារផ្កាយ៥ កាដូទូរស័ព្ទដៃiPhone13 Pro max និងរង្វាន់ជាច្រើនទៀត។ ចំណុចទាំងអស់នេះហើយ ជាមូលហេតុអាទិភាព ក្នុងការបំពេញចិត្តអតិថិជិនរបស់ធនាគារ ជីប ម៉ុង សម្រាប់ប្រតិបត្តិការហិរញ្ញវត្ថុប្រចាំថ្ងៃរបស់ពួកគេ។
គួរជម្រាបផងដែរថា ក្នុងប្រតិបត្តិការ៣ឆ្នាំមកនេះ ធនាគារ ជីប ម៉ុង មានទ្រព្យសកម្មសរុបជាង ៨០០ លានដុល្លារអាមេរិក ដែលក្នុងនោះឥណទានសរុបកើនឡើងជាង ៥០០ លានដុល្លារអាមេរិក និងទទួលបានប្រាក់បញ្ញើពីអតិថិជនជាង ៧០០ លានដុល្លារអាមេរិក។ បច្ចុប្បន្នមានសាខាប្រតិបត្តិការសរុបចំនួន១២ ក្នុងនោះ៩សាខានៅភ្នំពេញ និង៣សាខាទៀតនៅខេត្តកំពង់ចាម បាត់ដំបង និងសៀមរាប។
ធនាគារនេះមានម៉ាស៉ីនATM សរុបចំនួន៣២ ដែលបម្រើការ២៤ម៉ាង ដៃគូសហការទូទាត់ចំនូន១២០០ទីតាំង និងភ្នាក់ងារធនាគារចំនួន១៣២កន្លែង ទូទាំងប្រទេស។ ក្នុងឆ្នាំ២០២២នេះធនាគារ ជីប ម៉ុង នឹងបើកសាខាចំនួន៥ បន្ថែមផងដែរ៕&nbsp;

អបអរសាទរសមិទ្ធិផលថ្មីមួយទៀតសម្រាប់ដើមឆ្នាំ២០២២! 

ធនាគារ ជីប ម៉ុង នាព្រឹកថ្ងៃពុធ ទី១៩ ខែមករា ឆ្នាំ២០២២នេះ បានប្រារព្ធពិធីសម្ពោធជាផ្លូវការ ធនាគារ ជីប ម៉ុង សាខាសែនសុខម៉ល ដែលមានទីតាំងស្ថិតនៅផ្សារទំនើប ជីប ម៉ុង សែនសុខ។ កម្មវិធីនេះ មានការអញ្ជើញចូលរួមជាគណៈអធិបតីពីសំណាក់ អ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង, អ្នកឧកញ៉ា លាង ឃុន សហស្ថាបនិក និងប្រធានក្រុមប្រឹក្សាភិបាលក្រុមហ៊ុន ជីប ម៉ុង ព្រមទាំងសមាជិកដទៃទៀតនៃក្រុមប្រឹក្សាភិបាលក្រុមហ៊ុន ជីប ម៉ុង, លោក ចន ប៊ែល អគ្គនាយកធនាគារ ជីប ម៉ុង ថ្នាក់ដឹកនាំធនាគារ និងភ្ញៀវកិត្តិយសជាច្រើនផងដែរ។&nbsp;
នុងឱកាសដ៏វិសេសវិសាលនេះ លោក ចន ប៊ែល បានថ្លែងថា៖ «ធនាគារ ជីប ម៉ុង សាខាសែនសុខម៉ល គឺបង្កើតឡើងដើម្បីបំពេញតម្រូវការអតិថិជនដែលរស់នៅ ឬប្រកបការងារនៅតំបន់នេះ ហើយជាទូទៅធនាគារយើងខ្ញុំ តែងតែផ្សារភ្ជាប់ខ្លួនជាមួយនឹងបណ្តាញពាណិជ្ជកម្មផ្សេងៗទៀតរបស់ក្រុមហ៊ុន ជីប ម៉ុង ដើម្បីធ្វើឱ្យអតិថិជនកាន់តែមានភាពងាយស្រួល និងចំណេញពេលវេលា។ សាខាធនាគារក្នុងផ្សារ ជីប ម៉ុង ក៏ផ្តល់ភាពងាយស្រួលចំពោះអតិថិជន មិនត្រឹមតែធ្វើប្រតិបត្តិការហរិញ្ញវត្ថុប៉ុណ្ណោះទេ ហើយថែមទាំងអាចឆ្លៀតពេលដើរកម្សាន្ត និងទិញទំនិញក្នុងផ្សារបានផងដែរ»។
លោកបានបន្តថា «ធនាគារ ជីប ម៉ុង សាខាសែនសុខម៉ល ត្រូវបានរចនាឡើងយ៉ាងពិសេស ជាមួយបរិក្ខារទំនើបប្រណីតៗ ដើម្បីបម្រើសេវាកម្មសម្បូរបែប និងល្អឥតខ្ចោះជូនអតិថិជន។ យើងខ្ញុំសង្ឃឹមថាអតិថិជននឹងពេញចិត្តសាខាថ្មីនេះ។ តំបន់សែនសុខ ជាតំបន់សក្តានុពលមាន មនុស្សរស់នៅច្រើនកុះករ ជាមួយកម្រិតជីវភាពល្អប្រសើរ មានផ្សារទំនើប គម្រោងផ្ទះ មានអាជីវកម្មខ្នាតតូចនិងមធ្យម និងសាលារៀន ជាច្រើន។ សាខាសែនសុខម៉លនឹងនៅជិតអតិថិជនជានិច្ច»។
ក្នុងឱកាសអបអរសាទ ពិធីសម្ពោធជាផ្លូវការ ធនាគារ ជីប ម៉ុង សាខាសែនសុខម៉ល រយៈពេល ៣ថ្ងៃ ពីថ្ងៃទី១៩ ដល់២១ ខែមករា ឆ្នាំ២០២២នេះ រាល់អតិថិជនដែលការបើកគណនីថ្មី, ដាក់ប្រាក់បញ្ញើ, ស្នើកម្ចីគ្រប់ប្រភេទ, ឬសាកសួរព័ត៌មាននានា នឹងទទួលបានកាដូដ៏ស្រស់ស្អាតជាច្រើនផងដែរ។ ការផ្តល់ជូននេះមានតែនៅ ធនាគារ ជីប ម៉ុង សាខាសែនសុខម៉ល តែប៉ុណ្ណោះ។
គួរបញ្ជាក់ផងដែរថា ធនាគារ ជីប ម៉ុង សាខាសែនសុខម៉លគឺជាសាខាទី១២ របស់ធនាគារជីបម៉ុង ដែលក្នុងនោះ ៩សាខាស្ថិតនៅរាជធានីភ្នំពេញ និង ៣សាខាទៀតស្ថិតនៅខេត្តកំពង់ចាម បាត់ដំបង និងសៀមរាប ហើយនាពេលដ៏ឆាប់ខាងមុខនេះ ធនាគារ ជីប ម៉ុងនឹងបើកសាខាថ្មីមួយទៀតនៅទីតាំងផ្លូវ598 ផងដែរ។

ធនាគារ ជីប ម៉ុង សាខាសែនសុខម៉ល សម្ពោធបើកដំណើរការជាផ្លូវការ

លោក John Bell អគ្គនាយកធនាគារ ជីប ម៉ុង និង លោក Wong Keet Loong អគ្គនាយកសាជីវកម្មធានាឥណទានកម្ពុជា (ស.ធ.ក.) បានចុះហត្ថលេខា លើកិច្ចព្រមព្រៀងធានាឥណទាន ដែលប្រព្រឹត្តិឡើងនៅថ្ងៃទី១៣ ខែមករា ឆ្នាំ២០២២ នៅធនាគារ ជីប ម៉ុង សាខាមជ្ឈមណ្ឌល ជីប ម៉ុង បាក់ទូក ដើម្បីផ្តល់ការធានាលើកម្ចីដែលខ្វះទ្រព្យបញ្ចាំ សម្រាប់ពង្រីក និងទ្រទ្រង់អាជីវកម្ម ជាពិសេសសម្រាប់សហគ្រាសធុនតូច-មធ្យម នៅកម្ពុជា។&nbsp;
ឆ្លៀតក្នុងឱកាសនោះផងដែរ លោក John Bell បានមានប្រសាសន៏ថា៖ “ធនាគារ ជីប ម៉ុង តែងតែឈរលើគោលជំហរជួយគាំទ្រដល់អាជីវកម្ម និងសហគ្រាសធុនតូច-មធ្យម ​នៅកម្ពុជា តាមរយៈការផ្តល់ប្រាក់កម្ចីចំនួនច្រើន ជាមួយអត្រាការប្រាក់ទាប និងសំណងរយៈពេលវែង។ លើសពីនេះទៅទៀត ធនាគារ ជីប ម៉ុង ក៏តែងតែស្វាគមន៏នូវរាល់កិច្ចសហការ ពីគ្រប់ភាគីពាក់ព័ន្ធក្នុងគោលដៅជួយអភិវឌ្ឍន៏ដល់អាជីវកម្ម និងសហគ្រាសធុនតូច-មធ្យមឱ្យកាន់តែរឹងមាំ និងមាននិរន្តរភាព។”&nbsp;
&nbsp;លោកបានបន្ថែមថា៖ “កិច្ចព្រមព្រៀងរវាងធនាគារ ជីប ម៉ុង និង សាជីវកម្មធានាឥណទានកម្ពុជាក្នុងពេលនេះ នឹងជួយឱ្យអតិថិជនរបស់ធនាគារ ជីប ម៉ុង កាន់តែមានលទ្ធភាពខ្ពស់ក្នុងការទទួលបានកម្ចី បើទោះបីជាពួកគេពុំមានទ្រព្យតម្កល់គ្រប់គ្រាន់ក្តី។ កិច្ចសហការនេះ គឺពិតជាមានផលប្រយោជន៏ច្រើនមែនទែន មិនថាចំពោះអតិថិជនចំពោះធនាគារ ក៏ដូចជាចំពោះសេដ្ឋកិច្ចជាតិទាំងមូល ព្រោះថាម្ចាស់អាជីវកម្មខ្នាតតូចនិងមធ្យមដែលកំពុងត្រូវការជំនួយផ្នែកហរិញ្ញវត្ថុអាចស្នើកម្ចីពីធនាគារ ជាមួយលក្ខខណ្ឌប្រសើរជាងមុននិងចំនួនកម្ចីច្រើនជាងមុនក្រោមកិច្ចធានាពីសាជីវកម្មធានាឥណទានកម្ពុជា។​&nbsp;
លោក Wong Keet Loong ក៏បានគូសបញ្ជាក់ផងដែរថា៖ “ស.ធ.ក. មានសេចក្តីសោមនស្សរីករាយក្នុងការចុះហត្ថលេខាលើកិច្ចព្រមព្រៀងភាពជាដៃគូដំបូងគេបង្អស់សម្រាប់ឆ្នាំថ្មី ២០២២នេះ ជាមួយធនាគារ ជីប ម៉ុង។ ធនាគារជីប ម៉ុង នឹងក្លាយជាគ្រឹះស្ថានហិរញ្ញវត្ថុចូលរួមបន្ថែមរបស់ ស.ធ.ក. សរុបចំនួន ២២ ក្នុងការផ្តល់ប្រាក់កម្ចីដែលមានការធានា ដើម្បីគាំទ្រដល់បណ្ដាសហគ្រាសធុនតូច និងមធ្យម។”&nbsp;
លោកបានបន្តថា ៖ “ខណៈដែលសកម្មភាពអាជីវកម្មមានការរីកចម្រើន តម្រូវការកម្ចីសម្រាប់ជាទុនបង្វិល ឬការពង្រីកអាជីវកម្ម ក៏នឹងមានការកើនឡើងដែរ។ ការធានាឥណទាននឹងផ្តល់អត្ថប្រយោជន៍ដល់ម្ចាស់អាជីវកម្ម លើតម្រូវការទ្រព្យបញ្ចាំពីធនាគារ នៅពេលស្នើសុំកម្ចី។ ស.ធ.ក. មានសុទិដ្ឋិនិយមថា អាជីវកម្ម រួមទាំងសហគ្រាសធុនតូចនិងមធ្យម កាន់តែច្រើន នឹងទទួលបានអត្ថប្រយោជន៍ពីការធានាឥណទាននេះ។” &nbsp;
គួររំលឹកផងដែរថា តាមរយៈកិច្ចព្រមព្រៀងរវាងធនាគារជីបម៉ុង ជាមួយសាជីវកម្មធានាឥណទានកម្ពុជានេះ នឹងអាចជួយសម្រួលដល់ម្ចាស់អាជីវកម្ម និងសហគ្រាសធុនតូច-មធ្យមដែលមានលទ្ធភាពសង និងកំពុងត្រូវការកម្ចីសម្រាប់អភិវឌ្ឍន៏អាជីវកម្ម ប៉ុន្តែខ្វះទ្រព្យបញ្ចាំ ឥឡូវនេះពួកគេអាចធ្វើការស្នើកម្ចីពីធនាគារ ជីប ម៉ុង បានដោយមានទំនុកចិត្ត។&nbsp;
<ins>អំពីធនាគារ ជីប ម៉ុង</ins>&nbsp;
ធនាគារ ជីប​ ម៉ុង ជាធនាគារពាណិជ្ជបែបឌីជីថល បង្កើតឡើងនៅខែមករា ឆ្នាំ២០១៩ និងមានក្រុមហ៊ុន ជីប ម៉ុង ជាភាគទុកនិកដ៏រឹងមាំ។ ក្នុងប្រតិបត្តិការជាង៣ឆ្នាំមកនេះ ធនាគារ ជីប ម៉ុង មានទ្រព្យសកម្មសរុបជាង ៨០០លានដុល្លារអាមេរិក ដែលក្នុងនោះឥណទានសរុបកើនឡើងជាង ៥០០លានដុល្លារអាមេរិក និងទទួលបានប្រាក់បញ្ញើពីអតិថិជនជាង ៧០០លានដុល្លារអាមេរិក។ &nbsp;
<ins>អំពី</ins><ins>សាជីវកម្មធានាឥណទានកម្ពុជា (ស​.ធ.ក.)</ins>&nbsp;
ស.ធ.ក. គឺជា​សហគ្រាស​សាធារណៈ ស្ថិតនៅក្រោមអាណាព្យាបាលបច្ចេកទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ និងបានចុះបញ្ជីជាផ្លូវការ នៅខែវិច្ឆិកា ឆ្នាំ២០២០។ បេសកកម្ម​ចម្បងរបស់ ស.ធ.ក. ​គឺ​ផ្តល់​ការធានា​ឥណទាន​លើក​ម្ចី​ដែល​ផ្តល់​ឱ្យ​អាជីវកម្ម​ ដើម្បី​ចែករំលែក​ហា​និ​ភ័យ​ជាមួយ​ស្ថាប័ន​ផ្តល់​ក​ម្ចី និង​បង្កើន​បរិយាប​ន្ន​ហិរញ្ញវត្ថុ។&nbsp;
គិតត្រឹមថ្ងៃទី១១ ខែមករា ឆ្នាំ២០២២នេះ ស.ធ.ក បានផ្តល់ការធានាឥណទាន ដល់អាជីវកម្មសរុបចំនួន១៩៩ ក្នុងទំហំទឹកប្រាក់២២លានដុល្លារអាមេរិក ដែលក្នុងនោះ ៩៥% នៃចំនួនអាជីវកម្មដែលទទួលការធានាសរុបបានផ្តល់ជូនទៅសហគ្រាសធុនតូចនិងមធ្យម (SME)។&nbsp;

ធនាគារ ជីប ម៉ុង និង សាជីវកម្មធានាឥណទានកម្ពុជា ក្លាយជាដៃគូផ្លូវការ ក្នុងការធានាផ្តល់កិច្ចធានាលើកម្ចីខ្នាតតូចនិងមធ្យម

សម្រាប់ព័ត៌មានបន្ថែម សូមទាក់ទងមកលេខទូរស័ព្ទ៖ 081 811 911 ឬ 066 811 811។&nbsp;

ស្នើថ្ងៃនេះ! បានថ្ងៃស្អែក! កម្ចីឆាប់រហ័សជាមួយគណនីបញ្ញើមានកាលកំណត់

ធនាគារ ជីប ម៉ុង មានផលិតផលនិងសេវាកម្មដ៏ច្រើនសម្បូរបែប ដែលជួយសម្រួលអតិថិជនក្នុងការធ្វើប្រតិបត្តិការហិរញ្ញវត្ថុ ហើយអ្វីដែលកាន់តែពិសេសនោះ អតិថិជននឹងរីករាយជាមួយអត្ថប្រយោជន៍នានា ពីកម្មវិធីផ្តល់ជូនពិសេសៗរបស់ធនាគារ ជីប ម៉ុង ដែលមិនធ្លាប់មានពីមុនមក។&nbsp;
ក្នុងថ្ងៃនេះផ្ទាល់តែម្តង ធនាគារ ជីប ម៉ុង ទើបតែដាក់ចេញនូវកម្មវិធីពិសេសមួយ ដែលអតិថិជនអាចក្លាយជា VIP ភ្លាមៗ ដោយគ្រាន់តែធ្វើការដាក់ប្រាក់បញ្ញើមានកាលកំណត់នៅធនាគារ ជីប ម៉ុង នោះអតិថិជននឹងទទួលបានសិទ្ធិពិសេសៗ កាដូថ្លៃថ្នូរ និងប្រណីត និងការកម្សាន្តបែបអភិជន។
ការទទួលបានសិទ្ធិ និងកាដូទាំងនោះរួមមានដូចជា៖
* ប្រធានផ្នែកទំនាក់ទំនងផ្ទាល់ខ្លួនក្នុងការជួយធ្វើប្រតិបត្តិការហិរញ្ញវត្ថុជូនលោកអ្នក។
* ផ្តល់ជូនអត្រាការប្រាក់ខ្ពស់រហូតដល់ ៧% ក្នុងមួយឆ្នាំ។
* សកម្មភាពកម្សាន្តលំដាប់អភិជន ដូចជា ការវាយកូនគោល និងជិះឧទ្ធម្ភាគចក្រទស្សនាទេសភាពរាជធានីភ្នំពេញដ៏ស្រស់ស្អាត និងស៊ីវិល័យ។
* កាដូជាច្រើនដូចជាទូរស័ព្ទដៃម៉ាក iPhone 13 Pro Max កាតទឹកប្រាក់សម្រាប់ទិញទំនិញនៅផ្សារទំនើប ជីប ម៉ុង មានតម្លៃរហូតដល់១,៧៥០ដុល្លារអាមេរិក បណ្ណទឹកប្រាក់សម្រាប់វាយកូនគោលកម្សាន្តមានតម្លៃរហូតដល់៨៤០ដុល្លារអាមេរិក បណ្ណស្នាក់សណ្ឋារគារលំដាប់ផ្កាយប្រាំ ហៃយ៉ាត់ភ្នំពេញ មានតម្លៃរហូតដល់៤០០ដុល្លារអាមេរិក តុក្កតាស្រមោច និងកំប៉ុងទឹកជាដើម។
ដើម្បីចូលរួមក្នុងកម្មវិធីនេះ និងក្លាយជាអតិថិជន VIP របស់ធនាគារ ជីប ម៉ុង លោកអ្នកគ្រាន់តែធ្វើការបើកគណនីបញ្ញើមានកាលកំណត់ថ្មី នៅសាខាណាមួយរបស់ធនាគារ ជីប ម៉ុង ឬតាមកម្មវិធីធនាគារតាមទូរស័ព្ទដៃ Chip Mong Bank App ឬកម្មវិធីធនាគារតាមអ៉ីនធើណេត និងដាក់ប្រាក់ចាប់ពី១ម៉ឺនដុល្លារអាមេរិក ឬ៤០លានរៀលឡើង ដោយជ្រើសរយៈពេលចាប់ពី១ឆ្នាំ នោះលោកអ្នកនឹងទទួលបានការផ្តល់ជូនពិសេស ដោយផ្អែកលើចំនួនទឹកប្រាក់ ដែលលោកអ្នកបានដាក់ក្នុងអំឡុងពេលបើកគណនីបញ្ញើមានកាលកំណត់ថ្មី។ កម្មវិធីផ្តល់ជូនពិសេសនេះមានសុពលភាពពីថ្ងៃទី២៩ ខែវិច្ឆិកា ឆ្នាំ២០២១ រហូតដល់ថ្ងៃទី៣១ ខែមីនា ឆ្នាំ២០២២។
សម្រាប់ព័ត៌មានបន្ថែមសូមចុចតំណនេះ <a href="https://www.chipmongbank.com/en/term-deposit-promotion" target="_self">https://www.chipmongbank.com/en/term-deposit-promotion</a> ឬ ទំនាក់ទំនងទៅកាន់សេវាបម្រើអតិថិជនតាមរយៈលេខ៖ 081/066 811 911៕&nbsp;

ក្លាយជាអតិថិជនលំដាប់ VIP និងរីករាយជាមួយសកម្មភាពកម្សាន្តបែបអភិជនដំបូងគេបង្អស់ពីធនាគារ ជីប ម៉ុង!

កម្មវិធីនេះធ្វើឡើងនាល្ងាចថ្ងៃទី២៤ ខែវិច្ឆិកា ឆ្នាំ២០២១នេះ នៅទីស្តីការក្រសួងបរិស្ថាន ក្រោមអធីបតីភាពលោក សាយ សំអាល់ រដ្ឋមន្រ្តីក្រសួងបរិស្ថាន។
លោក សាយ សំអាល់ បានលើកឡើងថា ការលើកកម្ពស់ប្រតិបត្តិមេត្រីភាពបរិស្ថាន គឺជាកិច្ចការមួយដ៏សំខាន់ ធ្វើយ៉ាងណាឲ្យកម្ពុជាមានបរិស្ថានស្អាត មានភាពបៃតង និងមានភាពស៊ីវិល័យ។ ការងារនេះអាចសម្រេចបាន ដរាបណាមានការចូលរួមពីគ្រប់តួអង្គពាក់ព័ន្ធ និងប្រជាពលរដ្ឋគ្រប់រូប។
លោករដ្ឋមន្រ្តីក៏បានថ្លែងអំណរគុណចំពោះប្រតិបត្តិករទាំងអស់ ដែលបានចូលរួមជាមួយក្រសួងបរិស្ថាន និងសូមបន្តសកម្មភាពនេះជាមួយក្រសួងបរិស្ថានបន្តទៀត ដើម្បីរួមគ្នាលើកម្ពស់កិច្ចគាំពារបរិស្ថាន។
ឆ្លៀតក្នុងឱកាសដែលធនាគារ ជីប ម៉ុង ទទួលបានបណ្ណសរសើរមេត្រីភាពបរិស្ថាននេះដែរ លោកស្រី ឡាយ រចនា ក៏បានលើកឡើងថា ធនាគារ ជីប ម៉ុង ជានិច្ចកាលតែងតែគិតគូរពីការគាំពារបរិស្ថានឲ្យមាននិរន្តរភាព ទាំងក្នុងកិច្ចការងារប្រចាំថ្ងៃ និងទាំងការបម្រើអតិថិជន ដូចជាការប្រើបា្រស់បច្ចេកវិទ្យាឌីជីថលទំនើបៗ ដើម្បីកាត់បន្ថយក្រដាស ការដាំដើមរុក្ខជាតិក្នុងការិយាល័យ និងការចូលរួមយ៉ាងសកម្មក្នុងសកម្មភាពជួយសង្គមជាដើម។
គួរបញ្ជាក់ថា ធនាគារ ជីប ម៉ុង ទើបបើកប្រតិបត្តិការជាង២ឆ្នាំប៉ុណ្ណោះ តែធនាគារនេះទទួលបានបណ្ណសរសើរមេត្រីភាពបរិស្ថាន២ឆ្នាំជាប់ៗគ្នា។ សមិទ្ធផលនេះ គឺកើតចេញពីស្មារតីខិតខំ និងការគិតគូរខ្ពស់លើស្តង់ដារប្រតិបត្តិ តាមគោលការណ៍មេត្រីភាពបរិស្ថានផ្ទាល់តែម្តង៕ &nbsp;

ធនាគារ ជីប ម៉ុង ទទួលបានបណ្ណសរសើរមេត្រីភាពបរិស្ថានពីក្រសួងបរិស្ថាន២ឆ្នាំផ្ទួនៗ

សប្បុរសជនទាំងអស់អាចចូលរួមបរិច្ចាគថវិកាដើម្បីរកទិញវ៉ាក់សាំងកូវីដ១៩ តាមរយៈមុខងារថ្មីគឺ “ជំនួយវ៉ាក់សាំងកូវីដ១៩” ឬ “Covid19 Vaccine Donation” ដែលមាននៅក្នុង Chip Mong Mobile App ឬអាចបរិច្ចាគតាមភ្នាក់ងារធនាគារ ជីប ម៉ុង ដែលនៅជិតលោកអ្នកបំផុតដោយ ពុំគិតថ្លៃសេវាឡើយ។ 
 ការបង្កើតមុខងារថ្មីនេះ គឺដើម្បីជួយប្រមូលថវិកាពីសប្បុរសជននានា ដែលមានបំណងចង់ ចូលរួមចំណែកជាមួយរាជរដ្ឋាភិបាលកម្ពុជា ក្នុងការទិញវ៉ាក់សាំងដើម្បីជូនប្រជាពលរដ្ឋ ដោយឥតគិតថ្លៃ។ 
 ថ្មីៗនេះភាគទុនិកធនាគារ ជីប ម៉ុង ប៊ែង ក៏បានចូលរួមចំណែកជាថវិកា៣.០០០.០០០ (បីលាន)ដុល្លារអាមេរិក ដល់រាជរដ្ឋាភិបាលសម្រាប់ការរកទិញវ៉ាក់សាំងទប់ស្កាត់ជំងឺកូវីដ-១៩ដើម្បីការពារអាយុជីវិតប្រជាជនកម្ពុជាផងដែរ។